ਸਲੋਕ
ਕਬੀਰ ਆਸਾ ਕਰੀਐ ਰਾਮ ਕੀ ਅਵਰੈ ਆਸ ਨਿਰਾਸ ॥
ਨਰਕਿ ਪਰਹਿ ਤੇ ਮਾਨਈ ਜੋ ਹਰਿ ਨਾਮ ਉਦਾਸ ॥ਭਗਤ ਕਬੀਰ ਜੀ
ਸਲੋਕ, ਅੰਗ ੧੩੬੯
ਸਾਨੂੰ ਇਕ ਪਰਮਾਤਮਾ ਉਤੇ ਡੋਰੀ ਰੱਖਣੀ ਚਾਹੀਦੀ ਹੈ, ਹੋਰ ਆਸਾਂ ਛੱਡ ਦੇਣੀਆਂ ਚਾਹੀਦੀਆਂ ਹਨ ।
ਜੋ ਮਨੁੱਖ ਪਰਮਾਤਮਾ ਦੀ ਯਾਦ ਵਲੋਂ ਮੂੰਹ ਮੋੜ ਲੈਂਦੇ ਹਨ ਉਹ ਨਰਕ ਵਿਚ ਪਏ ਰਹਿੰਦੇ ਹਨ, ਸਦਾ ਦੁਖੀ ਰਹਿੰਦੇ ਹਨ !
21 ਮਈ, 1621 : ਬੀਬੀ ਕੌਲਾਂ ਗੁਰੂ ਹਰਿਗੋਬਿੰਦ ਸਾਹਿਬ ਕੋਲ ਆਈ
ਮੁਸਲਿਮ ਕਾਜ਼ੀ ਰੁਸਤਮ ਖਾਨ ਵਲੋਂ ਬੀਬੀ ਕੌਲਾਂ ਨੂੰ ਕਤਲ ਕੀਤੇ ਜਾਣ ਵਾਲੇ ਫ਼ਤਵੇ ਤੋਂ ਬਚਣ ਲਈ ਬੀਬੀ ਕੌਲਾਂ ਸਾਈ ਮੀਆਂ ਮੀਰ ਜੀ ਕੋਲ ਪਹੁੰਚੀ ।
ਸਾਈ ਮੀਆਂ ਮੀਰ ਜੀ ਨੇ ਕੌਲਾਂ ਬੀਬੀ ਨੂੰ ਫਤਵੇ ਤੋਂ ਬਚਾਉਣ ਲਈ ਗੁਰੂ ਹਰਗੋਬਿਦ ਸਾਹਿਬ ਦੀ ਸ਼ਰਨ ਲੈਣ ਲਈ ਸਮਝਾਇਆ ।
ਇਸ ਪ੍ਰਕਾਰ ਸਾਈ ਮੀਆਂ ਮੀਰ ਜੀ ਦੀ ਸਲਾਹ ਤੇ, 21 ਮਈ, 1621 ਦੇ ਦਿਨ, ਬੀਬੀ ਕੌਲਾ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੀ ਪਨਾਹ ਵਿੱਚ ਆਈ ।
.
