ਜੇ ਜਾਣਾ ਲੜੁ ਛਿਜਣਾ ਪੀਡੀ ਪਾਈਂ ਗੰਢਿ ॥
ਤੈ ਜੇਵਡੁ ਮੈ ਨਾਹਿ ਕੋ ਸਭੁ ਜਗੁ ਡਿਠਾ ਹੰਢਿ ॥: ਭਗਤ ਫ਼ਰੀਦ ਜੀ
ਸਲੋਕ ਅੰਗ ੧੩੭੮ (1378)
ਜੇ ਮੈਨੂੰ ਸਮਝ ਹੋਵੇ ਕਿ ਇਸ ‘ਪੋਟਲੀ’ ਰੂਪੀ ਸੰਸਾਰਕ ਪ੍ਰਾਪਤੀਆਂ ਦੇ ਮਾਣ ਦੇ ਕਾਰਨ ਰੱਬ ਦਾ ਫੜਿਆ ਹੋਇਆ ਪੱਲਾ ਕਮਜ਼ੋਰ ਹੋ ਜਾਂਦਾ ਹੈ ਭਾਵ, ਸਾਡੇ ਵਿੱਚ ਵਿੱਥ ਪੈ ਜਾਂਦੀ ਹੈ ਤਾਂ ਮੈਂ ਤੁਹਾਡੇ ਪੱਲੇ ਨਾਲ ਹੀ ਪੱਕੀ ਗੰਢ ਪਾ ਲਵਾਂ ।
ਮੇਰੇ ਰੱਬ ਜੀ! ਮੈਂ ਸਾਰਾ ਸੰਸਾਰ ਫਿਰ ਕੇ ਵੇਖ ਲਿਆ ਹੈ ਪਰ ਤੁਹਾਡੇ ਵਰਗਾ ਸਾਥੀ ਮੈਨੂੰ ਹੋਰ ਕੋਈ ਨਹੀਂ ਲੱਭਾ ।
19 ਮਾਰਚ, 1644 : ਗੁਰੂ ਹਰਗੋਬਿੰਦ ਸਾਹਿਬ ਜੀ ਜੋਤੀ-ਜੋਤ ਸਮਾਏ; ਗੁਰਗੱਦੀ ਹਰਿਰਾਇ ਜੀ ਨੂੰ ਸੌਂਪੀ
ਮੀਰੀ ਪੀਰੀ ਦੇ ਮਾਲਕ, ਛੇਵੀਂ ਪਾਤਸ਼ਾਹੀ, ਗੁਰੂ ਹਰਗੋਬਿੰਦ ਸਾਹਿਬ ਜੀ ਨੇ ਆਪਣਾ ਅੰਤ-ਵੇਲਾ ਨੇੜੇ ਜਾਣਕੇ, 19 ਮਾਰਚ, 1644 ਨੂੰ, ਗੁਰਗੱਦੀ ਆਪਣੇ ਪੋਤਰੇ ਹਰਿਰਾਇ ਜੀ ਨੂੰ ਸੌਂਪ ਦਿੱਤੀ। ਗੁਰੂ ਹਰਰਾਇ ਜੀ ਬਾਬਾ ਗੁਰਦਿਤਾ ਜੀ ਦੇ ਸਪੁੱਤਰ ਸਨ।
ਗੁਰਗੱਦੀ ਸੌਂਪਣ ਉਪਰੰਤ ਉਸੇ ਦਿਨ ਗੁਰੂ ਹਰਗੋਬਿੰਦ ਸਾਹਿਬ ਜੀ, 49 ਸਾਲ ਦੀ ਉਮਰ ਵਿੱਚ ਜੋਤੀ-ਜੋਤ ਸਮਾ ਗਏ।
