ਜੈਤਸਰੀ ਮਹਲਾ ੫ ਘਰੁ ੪ ਦੁਪਦੇ
ਅਬ ਮੈ ਸੁਖੁ ਪਾਇਓ ਗੁਰ ਆਗਿ੍ਯ ॥
ਤਜੀ ਸਿਆਨਪ ਚਿੰਤ ਵਿਸਾਰੀ ਅਹੰ ਛੋਡਿਓ ਹੈ ਤਿਆਗਿ੍ਯ ॥ਮਹਲਾ ੫ – ਗੁਰੂ ਅਰਜਨ ਸਾਹਿਬ ਜੀ
ਰਾਗ ਜੈਤਸਰੀ ਅੰਗ ੭੦੧
ਹੁਣ ਮੈਂ ਗੁਰੂ ਦੀ ਆਗਿਆ ਵਿਚ ਤੁਰਨਾ ਸ਼ੁਰੂ ਕਰ ਕੇ ਆਤਮਿਕ ਆਨੰਦ ਪ੍ਰਾਪਤ ਕਰ ਲਿਆ ਹੈ । ਆਗਿਆ ਅਨੁਸਾਰ ਹੀ ਮੈਂ ਆਪਣੀ ਚਤੁਰਾਈ ਛੱਡ ਦਿੱਤੀ ਹੈ, ਮੈਂ ਚਿੰਤਾ ਭੁਲਾ ਦਿੱਤੀ ਹੈ, ਮੈਂ ਹਉਮੈ ਆਪਣੇ ਅੰਦਰੋਂ ਪਰੇ ਸੁੱਟ ਦਿੱਤੀ ਹੈ !!
18 ਮਈ, 1922 : ਗਦਰੀ ਬਾਬਿਆਂ ਨੂੰ ਸਜ਼ਾ
ਨਨਕਾਣਾ ਸਾਹਿਬ ਸਾਕੇ ਵਿਚ ਸ਼ਾਮਲ ਜਿੰਮੇਵਾਰ ਮਿਸਟਰ ਬੇਰਿੰਗ ਤੇ ਕਿੰਗ ਨੂੰ ਕਤਲ ਕਰਨ ਦੀ ਸਾਜ਼ਸ ਕੇਸ ਵਿਚ 18 ਮਈ, 1922 ਨੂੰ ਅਦਾਲਤ ਵਲੋਂ ਦਿਤੇ ਫੈਸਲੇ ਅਨੁਸਾਰ ਸਜ਼ਾ ਨਿਸ਼ਚਿਤ ਕੀਤੀ ਗਈ ।
ਤੋਤਾ ਸਿੰਘ ਪਿਸ਼ਾਵਰ ਤੇ ਤਾਰਾ ਸਿੰਘ ਠੇਠਰ ਨੂੰ ਪੰਜ ਸਾਲ, ਬੇਲਾ ਸਿੰਘ ਘੋਲੀਆ ਨੂੰ ਚਾਰ ਸਾਲ ਤੇ ਚੈਚਲ ਸਿੰਘ ਜੰਡਿਆਲਾ ਨੂੰ ਇਕ ਸਾਲ ਦੀ ਕੈਦ ਹੋਈ ।
ਮਾਸਟਰ ਮੋਤਾ ਸਿੰਘ, ਕਿਸ਼ਨ ਸਿੰਘ ਗੜਗਜ, ਵਤਨ ਸਿੰਘ ਸਹਾਰੀ, ਗੁਰਬਚਨ ਸਿੰਘ, ਅੰਬਾਲਾ ਅਮਰ ਸਿੰਘ ਦਿਲੀ ਤੇ ਬਿਜਲਾ ਸਿੰਘ ਨੂੰ ਭਗੌੜੇ ਕਰਾਰ ਦਿਤਾ ਗਿਆ ।
