ਫਰੀਦਾ ਦੁਨੀ ਵਜਾਈ ਵਜਦੀ ਤੂੰ ਭੀ ਵਜਹਿ ਨਾਲਿ ॥
ਸੋਈ ਜੀਉ ਨ ਵਜਦਾ ਜਿਸੁ ਅਲਹੁ ਕਰਦਾ ਸਾਰ ॥ਭਗਤ ਸ਼ੇਖ ਫ਼ਰੀਦ ਜੀ
ਸਲੋਕ, ਅੰਗ ੧੩੮੩
ਭਗਤ ਫਰੀਦ ਜੀ ਫਰਮਾਉਂਦੇ ਹਨ ਕਿ ਇਸ ਦੁਨੀਆ ਦੇ ਲੋਕ ਵਾਜੇ ਹਨ ਜੋ ਮਾਇਆ ਦੇ ਵਜਾਏ ਹੋਏ ਵੱਜ ਰਹੇ ਹਨ । ਤੂੰ ਵੀ ਉਹਨਾਂ ਦੇ ਨਾਲ ਹੀ ਵੱਜ ਰਿਹਾ ਹੈਂ ।
ਉਹੀ ਭਾਗਾਂ ਵਾਲਾ ਜੀਵ ਮਾਇਆ ਦਾ ਵਜਾਇਆ ਹੋਇਆ ਨਹੀਂ ਵੱਜਦਾ, ਜਿਸ ਦੀ ਸਾਰ-ਸੰਭਾਲ ਰੱਬ ਆਪ ਕਰਦਾ ਹੈ । ਭਾਵ ਜੋ ਰੱਬ ਦੇ ਗੁਣ ਸਮਝਦਾ ਅਤੇ ਅਪਣਾਉਂਦਾ ਹੈ !
12 ਮਈ, 1710 : ਚੱਪੜਚਿੜੀ ਦੀ ਜੰਗ
ਚੱਪੜਚਿੜੀ ਦੇ ਮੈਦਾਨ ਵਿਚ ਬਾਬਾ ਬੰਦਾ ਸਿੰਘ ਬਹਾਦਰ ਅਤੇ ਸਰਹਿੰਦ ਦੀ ਫੋਜਾਂ ਵਿਚਕਾਰ 12 ਮਈ, 1710 ਨੂੰ ਚੱਪੜਚਿੜੀ ਦੀ ਜੰਗ ਹੋਈ ।
ਗਿਣਤੀ ‘ਚ ਖਾਲਸਾ ਫੌਜ ਸਰਹਿੰਦ ਦੀ ਫ਼ੌਜ ਮੁਕਾਬਲੇ ਬਹੁਤ ਘਟ ਸੀ ਪਰ ਬਾਬਾ ਬੰਦਾ ਸਿੰਘ ਬਹਾਦਰ ਦੀ ਫ਼ਤਿਹ ਹੋਈ । ਸਰਹਿੰਦ ਦੇ ਰਾਜਪਾਲ ਵਜ਼ੀਰ ਖ਼ਾਨ ਅਤੇ ਦੀਵਾਨ ਸੁਚਾਨੰਦ ਦੋਵੇਂ ਮਾਰੇ ਗਏ ।
.
