ਮਾਰੂ ਮਹਲਾ ੧ ।।
ਤਖਤਿ ਸਲਾਮੁ ਹੋਵੈ ਦਿਨੁ ਰਾਤੀ ॥
ਇਹੁ ਸਾਚੁ ਵਡਾਈ ਗੁਰਮਤਿ ਲਿਵ ਜਾਤੀ ॥
ਨਾਨਕ ਰਾਮੁ ਜਪਹੁ ਤਰੁ ਤਾਰੀ
ਹਰਿ ਅੰਤਿ ਸਖਾਈ ਪਾਇਆ ॥ਮਹਲਾ ੧ : ਗੁਰੂ ਨਾਨਕ ਸਾਹਿਬ ਜੀ
ਰਾਗ ਮਾਰੂ ਅੰਗ ੧੦੩੯ (1039)
ਹਿਰਦੇ-ਰੂਪੀ ਤਖ਼ਤ ਉਤੇ ਬੈਠੇ ਮਨੁੱਖ ਨੂੰ ਦਿਨ ਰਾਤ ਆਦਰ ਮਿਲਦਾ ਹੈ । ਜਿਸਨੇ ਗੁਰੂ ਦੀ ਮਤਿ ਤੇ ਤੁਰਦੇ ਹੋਏ ਸੱਚੀ ਲਿਵ ਦੀ ਸਾਂਝ ਪਾ ਲਈ ਉਸ ਨੂੰ ਇਹ ਆਦਰ ਸਦਾ ਲਈ ਮਿਲਿਆ ਰਹਿੰਦਾ ਹੈ, ਇਹ ਵਡਿਆਈ ਸਦਾ ਮਿਲੀ ਰਹਿੰਦੀ ਹੈ ।
ਗੁਰੂ ਨਾਨਕ ਸਾਹਿਬ ਜੀ ਅਨੁਸਾਰ ਨਾਮ ਜਪਦਿਆਂ ਸੰਸਾਰ-ਸਮੁੰਦਰ ਤੋਂ ਪਾਰ ਲੰਘਣ ਲਈ ਸਿਮਰਨ ਦੀ ਤਾਰੀ ਲਾਓ । ਜੇਹੜਾ ਮਨੁੱਖ ਗਿਆਨ ਗੁਰੂ ਦੀ ਮਤਿ ਲੈ ਕੇ ਸੱਚੇ ਰਾਹ ਤੇ ਚੱਲਦਾ ਹੈ ਉਹ ਆਖ਼ੀਰ ਤਕ ਸਾਥੀ ਬਣਿਆ ਰਹਿੰਦਾ ਹੈ ।
11 ਮਾਰਚ, 1783 : ਦਿੱਲੀ ਦੇ ਲਾਲ ਕਿਲ੍ਹੇ ‘ਤੇ ਸਿੱਖ ਫੌਜਾਂ ਦਾ ਕਬਜ਼ਾ
(ਸਿੱਖ ਮਿਸਲਾਂ ਦੀ ਸਾਂਝੀ ਫ਼ੌਜ ਦੇ 8 ਮਾਰਚ, 1783 ਨੂੰ ਦਿੱਲੀ ਵਿਚ ਦਾਖਲੇ ਦਾ ਬਿਰਤਾਂਤ ਤੁਸੀਂ ਪਿੱਛੇ ਪੜ੍ਹ ਆਏ ਹੋ)
11 ਮਾਰਚ, 1783 ਨੂੰ ਸਿੱਖ ਫੌਜ ਦਿੱਲੀ ਦੇ ਲਾਲ ਕਿਲ੍ਹੇ ‘ਤੇ ਕਾਬਜ਼ ਹੋ ਗਈਆਂ । ਇਸ ਜਿੱਤ ਤੋਂ ਬਾਅਦ ਸਿੱਖ ਜਰਨੈਲ ਜੱਸਾ ਸਿੰਘ ਆਹਲੂਵਾਲੀਆ ਦਿੱਲੀ ਦੇ ਤਖ਼ਤ ‘ਤੇ ਬੈਠ ਗਿਆ ।
ਬਾਦਸ਼ਾਹ ਸ਼ਾਹ ਆਲਮ ਵਲੋਂ ਕੀਤੀ ਸੁਲਾਹ ਦੀ ਪੇਸ਼ਕਸ਼ ਉਨ੍ਹਾਂ ਨੇ ਪ੍ਰਵਾਨ ਕਰ ਲਈ । ਸ਼ਾਹ ਆਲਮ ਨੇ 10 ਲੱਖ ਰੁਪਏ ਦਾ ਨਜ਼ਰਾਨਾ ਭੇਟ ਕੀਤਾ । ਦੀਵਾਨ ਲਖਪਤ ਰਾਏ, ਉਸ ਦੇ ਦਰਬਾਰ ਵਿਚ, ਸਿੱਖਾਂ ਦਾ ਦੂਤ (ਪ੍ਰਤੀਨਿਧ) ਬਣ ਗਿਆ ।
.
