ਤੇਰੇ ਗੁਣ ਬਹੁਤੇ ਮੈ ਏਕੁ ਨ ਜਾਣਿਆ ਮੈ ਮੂਰਖ ਕਿਛੁ ਦੀਜੈ ||
ਪ੍ਰਣਵਤਿ ਨਾਨਕ ਸੁਣਿ ਮੇਰੇ ਸਾਹਿਬਾ ਡੁਬਦਾ ਪਥਰੁ ਲੀਜੈ ||ਮਹਲਾ ੧ ਗੁਰੂ ਨਾਨਕ ਸਾਹਿਬ ਜੀ
ਸੋਰਠਿ, ੫੯੬
ਤੇਰੇ ਅਨੇਕਾ ਗੁਣ ਹਨ | ਮੈਨੂੰ ਕਿਸੇ ਇਕ ਦੀ ਭੀ ਪੂਰੀ ਸਮਝ ਨਹੀ ਹੈ ।
ਹੇ ਮੇਰੇ ਮਾਲਕ! ਮੈਨੂੰ ਮੂਰਖ ਨੂੰ ਕੋਈ ਚੰਗੀ ਅਕਲ ਦੇਹ | ਮੈ ਵਿਕਾਰਾ ਵਿਚ ਡੁਬ ਰਿਹਾ ਹਾ ਜਿਵੇ ਪਥਰ ਪਾਣੀ ਵਿਚ ਡੁਬ ਜਾਂਦਾ ਹੈ, ਮੈਨੂੰ ਕਢ ਲੈ |
11 ਜੂਨ 1606 ਗੁਰਗਦੀ ਛੇਵੇ ਗੁਰੂ ਹਰਗੋਬਿੰਦ ਸਾਹਿਬ
ਗੁਰੂ ਹਰਗੋਬਿੰਦ ਜੀ ਸਿੱਖ ਧਰਮ ਦੇ ਦਸ ਗੁਰੂਆ ਵਿਚੋ ਛੇਵੇ ਗੁਰੂ ਹੋਏ ਹਨ । ਉਨ੍ਹਾਂ ਦੇ ਪਿਤਾ ਗੁਰੂ ਅਰਜਨ ਦੇਵ ਜੀ ਨੇ 11 ਜੂਨ 1606 ਵਾਲੇ ਦਿਨ ਗੁਰਗਦੀ ਸੋਂਪ ਦਿਤੀ । ਉਸ ਸਮੇ ਆਪ ਦੀ ਉਮਰ ਕੇਵਲ ਗਿਆਰਾ ਸਾਲ ਦੀ ਸੀ ।
ਗੁਰੂ ਹਰਗੋਬਿੰਦ ਜੀ ਨੇ ਮੀਰੀ – ਪੀਰੀ ਦੀ ਦੋ ਕਿਰਪਾਨਾ ਪਾ ਕੇ ਸਿਖ ਧਰਮ ਵਿਚ ਫੋਜੀਕਰਨ ਦੀ ਸ਼ੁਰੂਆਤ ਕੀਤੀ ।
.
