ਜੈਤਸਰੀ ਮਹਲਾ ੫ ॥
ਕੋਈ ਜਨੁ ਹਰਿ ਸਿਉ ਦੇਵੈ ਜੋਰਿ ॥
ਚਰਨ ਗਹਉ ਬਕਉ ਸੁਭ ਰਸਨਾ ਦੀਜਹਿ ਪ੍ਰਾਨ ਅਕੋਰਿ ॥ਮਹਲਾ ੫ ਗੁਰੂ ਅਰਜਨ ਸਾਹਿਬ ਜੀ
ਜੈਤਸਰੀ, ੭੦੨
ਜੇ ਕੋਈ ਮਨੁਖ ਮੈਨੂੰ ਪਰਮਾਤਮਾ ਦੇ ਨਾਲ ਜੋੜ ਦੇਵੇ ਤਾ ਮੈ ਉਸ ਦੇ ਚਰਨ ਫੜ ਲਵਾ ਮੈ ਜੀਭ ਨਾਲ ਉਸ ਦੇ ਧੰਨਵਾਦ ਦੇ ਮਿਠੇ ਬੋਲ ਬੋਲਾ | ਮੇਰੇ ਇਹ ਪ੍ਰਾਣ ਉਸ ਅਗੇ ਭੇਟਾ ਦੇ ਤੋਰ ਤੇ ਦੇ ਦਿਤੇ ਜਾਣ |
6 ਜੂਨ 1984 ਸਾਕਾ ਨੀਲਾ ਤਾਰਾ ਛੇਵਾ ਦਿਨ
6 ਜੂਨ 1984 ਸਾਕਾ ਨੀਲਾ ਤਾਰਾ ਦਾ ਇਹ ਦਿਨ ਦੋਵਾ ਪਾਸਿਆ ਤੋ ਹੋਈ ਲੜਾਈ ਦਾ ਆਖਰੀ ਦਿਨ ਸੀ | ਫੋਜਾ ਦੀ ਟੈਂਕਾ ਨਾਲ ਹਮਲਾ ਹੋਣ ਕਰਕੇ ਅਕਾਲ ਤਖਤ ਸਾਹਿਬ ਦਾ ਵਡਾ ਹਿਸਾ ਢਹਿ ਗਿਆ ਸੀ |
ਦਰਬਾਰ ਸਾਹਿਬ ਦੀ ਪਰਕਰਮਾ ਤੇ ਸਰੋਵਰ ਵਿਚ ਲਾਸ਼ਾ ਹੀ ਲਾਸ਼ਾ ਫੈਲੀ ਪਈਆ ਸਨ | ਸਰੋਵਰ ਦਾ ਪਾਣੀ ਲਾਲ ਹੋ ਗਿਆ ਸੀ । ਜਖਮੀ ਕੁਰਲਾ ਰਹੇ ਸੀ |
ਬਚੇ ਹੋਏ ਸਿੰਘਾ ਨੂੰ ਫੋਜ ਨੇ ਬੰਦੀ ਬਣਾ ਕੇ ਪਰਕਰਮਾ ਵਿਚ ਬਿਠਾ ਲਿਆ ਤੇ ਗਡੀਆ ਵਿਚ ਬਿਠਾ ਕੇ ਲਿਜਾਣ ਦਾ ਪ੍ਰਬੰਧ ਕਰ ਲਿਆ |
.
